… atque in aetatem nostram uenimus. Aliquid breuiter dicemus, si tempus suppeditabitur ultima in schola, de scriptis saeculorum XVII-XX. Vobis utcumque est legenda symbola notissimi professoris, eximii scholaris, optimi uiri eiusque doctissimi, qui altera parte saeculi XX innumeras symbolas atque libros conscripsit de studiis classicis, ut puta enchyridion illud utilissimum, in Hispanicum sermonem conuersum, in quo historiam litterarum latinarum accuratissime diligentissimeque descripsit. Nempe loquor de Michaele von Albrecht, professore ex Vniuersitate Heidelbergensi. Huc addite opera quaedam recentioris Latinitatis, quae sermone eleganti, ornato, uenusto nuper exarauit. Sed multa sunt, paruum temporis spatium. Itaque, dicebam, legatis symbolam de Lingua Latina adhibenda in Philologia Classica, quam hic reperietis:
http://www.estudiosclasicos.org/wordpress/wp-content/uploads/122.pdf
Qui quidem professor habebit orationem mense proximo Augusto in cursu Latinitatis uiuae Matriti habendo. Si eum uolueris audire uel cursui interesse, aperias adumbrationem cursus: Caelum-nuntium