Haud semel discipuli vel amici, cupidi auctores Latine expedite legendi, me interrogaverunt unde ingrediantur. Non agitur me dius fidius de Horatio ab initio legendo sine ulla difficultate! Ipse saepe consisto, dum Góngora Hispanum vel Quevedo lego. Quin a facillimis ordiamur? Quin aggrediamur fabulas faciles, dein difficiliores, denique auctores? Cur semper-identidem-nonnisi convertimus? Si semper convertimus, periti fimus convertendi, non legendi, neque umquam legemus, nisi primum converterimus: semper egebimus conversione. Quando legemus, sic exercitati neque ullo alio modo, orationem Ciceronis, comoediam Plautinam, epistulam Senecae, nisi in lingua vulgari? Multa nunc praetermittam, ne sim taediosus. Iustus Bailey nuper dilucide explanavit Anglice. Convertere non est legere. Atque Lingua Latina sane legi potest. Qua de causa non abs re mihi videtur vobis vehementer suadere ut LEGATIS (non dixi mehercle «convertatis») fabulas rerum gestarum Romanarum in libro First Latin Reader. Legite, legite, legite. Iuvabit, quod sane plerasque fabulas fortasse novistis (agitur enim de rebus gestis Romanis). Magno auxilio erit vobis!
-
Nuper scripta
- Discipula María Ibáñez praemio honorata est
- DE CATVLLO in Vniversitate PRAELEGENDO
- SCHOLAE LATINAE INITIVM CAPIVNT. VALENTIA VIVAST!
- SEMINARIVM LATINITATIS IN VNIVERSITATE NOSTRA PERACTVM
- SEMINARIVM LATINVM VALENTIAE HABENDVM!
- De aetate Humanistica, de studiis Humanitatis
- VALENTIA VIVA
- Christianus sum, non Ciceronianus!!!!!
- Lingua Latina mortua est… Vivat lingua Latina!
- De Historia Philologiae Latinae
Scribas ad nos
jorge.tarrega@uv.esBlogroll
Documenta servata
Hospites huius paginae