Inter incepta VALENTIAe VIVAe numeratur studium scholas excipiendi coram discipulis Vniversitatis Valentinae habitas. Ecce scholarum exemplum, in quo ipse Catullum anno MMXIX exeunte praelegi in disciplina «Prolegomena in Philologiam Classicam» nuncupata. Scholam, quam spectatis, audiverunt discipuli primi cursus Philologiae, quae dicitur, Classicae.
Licet, si placuerit, subtitulis Latinis uti, quos in dextero ligamine aperietis.
Plures pelliculae, quas habuimus in animo excipere ac in lucem edere, fieri non poterunt propter luem illam coronariam, quae his mensibus in totum orbem terrarum saevit.
Acerca de Jorge Tárrega
Haec est pagina a Jorge Tárrega (jorge.tarrega@uv.es) curata et discipulis destinata, qui operam dant studiis Philologiae Classicae in Vniversitate Studiorum Valentina. In qua reperies, lector, documenta quibus usi sumus nostris in scholis: "Prolegomena in Philologiam Latinam" (ann. MMXIX), "Lingua Latina IV-de Sallustio" (Ian.-Mai. MMXVII), "Morphologia Latina" (Ian- Mai MMXII), "SyntaxIs Latina" (Sept MMXII- Ian. MMXIII) et "Historia Linguae Latinae" (Apr- Mai MMXIII). Si cui praeter discipulos Vniversitatis haec pagina bene verruncaverit, magnopere laetabimur!